عبدالباری جامعہ نسواں(ویمنز انسٹی ٹیوٹ)

اسلامی تعلیم کی تاریخ میں علم کا دروازہ کبھی صرف مردوں کے لیے نہیں تھا؛ علم و عرفان کے چشمے مردوں اور عورتوں سب کے لیے یکساں کھلے تھے۔

بعد کے ادوار میں جب عورتوں کو تعلیم سے دور رکھا گیا تو وہ اپنے انسانی حقوق سے بھی محروم ہوتی چلی گئیں۔ مگر جہاں بھی اصلاح و بیداری کا دور آیا، عورتوں کی تعلیم پھر سے اٹھائی گئی اور خواتین کے ادارے قائم ہونے لگے۔

اسی سلسلے میں اس ادارے کے بانیوں نے مظفر پور، بہار میں عبدالباری جامعہ نسواں کی بنیاد رکھی، جہاں لڑکیاں دینی تعلیم کے ساتھ دورِ حاضر کے ضروری عصری علوم سے بھی بحسبِ ضرورت استفادہ کرتی ہیں۔ اللہ تعالیٰ اس کاوش کو قبولیت عامہ اور مقبولیت تامہ عطا فرمائے، اور جامعہ نسواں کے لیے اسباب میسر فرمائے۔ آمین۔